Ulduz futbolçu bu klubu alır
26.01.2026 , 14:00
İspaniyanın sabiq futbolçusu Serxio Ramos futboldan sonra yeni bir səhifə açmağa hazırlaşır.
Korner.az xəbər verir ki, 39 yaşlı müdafiəçi “Sevilya” klubunu almaq niyyətindədir.
Xarici KİV yazır ki, Ramos La Liqa təmsilçisinin əsas səhmdarları ilə ilkin razılığa gəlib və klubun qiyməti 450 milyon avro göstərilir.
Serxio Ramos “Sevilya”nın yetirməsidir və 2004/2005 və 2023/2024 mövsümlərində əsas komandada çıxış edib. Karyerası ərzində “Real Madrid” və PSJ-də də oynayan müdafiəçi son olaraq Meksikanın “Monterrey” klubunda forma geyib.
