Ulduz futbolçu “Bavariya”dan ayrılır?
05.01.2026 , 14:45
“Bavariya”nın hücumçusu Harri Keyn klubla gələcək planları barədə danışıb.
Korner.az xarici KİV-ə istinadən xəbər verir ki, 32 yaşlı futbolçu Münhen təmsilçisi ilə müqaviləsini uzadıb-uzatmayacağı sualına belə cavab verib:
“Bəli, müqavilə uzadıla bilər. Əvvəllər də dediyim kimi, bu barədə danışıqlar aparılmalıdır. Əminəm ki, nəticə müsbət olacaq. Hazırda isə əsas diqqətimi mövcud mövsümə yönəldirəm. Mənim üçün “Bavariya”dan başqa yer yoxdur”.
Qeyd edək ki, cari mövsümdə futbolçu bütün yarışlarda 30 oyuna çıxaraq 33 qol vurub və 4 məhsuldar ötürmə verib.
