Rusiyanın “Zenit” klubunun futbolçusu Anatoli Timoşuk Ukrayna Silahlı Qüvvələrinin əsgərlərinə baş çəkib. 

Korner.az-ın  məlumatına görə, 36 yaşlı yarımmüdafiəçi Ukrayna yığmasının nümayəndə heyətinin tərkibində Kiyev hərbi hospitalında olub.

Rusiyanın himayə etdiyi separatçılara qarşı vuruşanlarla görüşə yığmanın daha 5 oyunçusu, qapıçılarla işləyən məşqçi və Ukrayna Futbol Federasiyasının yeni prezidenti Andrey Pavelko da yollanıb. Futbolçular əsgərlərə oyun maykası, şərf, vımpel və digər atributlar hədiyyə edib. 

Döyüşçülərdən bir neçəsinin mayın 27-də İspaniya ilə Sevilyada keçiriləcək AVRO-2016-nın seçmə qrup matçına yollanacağı bildirilir. 

Seqodnya.ua