Ukrayna millisində daha bir itki
08.10.2025 , 11:10
DÇ-2026-nın seçmə mərhələsində İslandiya və Azərbaycanla qarşılaşacaq Ukrayna millisində növbəti itki qeydə alınıb.
Korner.az xəbər verir ki, bu barədə Ukrayna Futbol Assosiasiyasının rəsmi saytı məlumat yayıb.
Xəbərdə, müdafiəçi Aleksandr Timçikin zədə səbəbindən yığmanın heyətində yer almayacağı bildirilib.
Kiyev “Dinamo”sunun oyunçusu zədəsini bərpa etmədiyi üçün milliyə qoşula bilməyib.
Bundan əvvəl yarımmüdafiəçi Viktor Sıqankov da oxşar səbəbdən komandanı tərk etmişdi.
Qeyd edək ki, Ukrayna millisi D qrupunda oktyabrın 10-da Reykyavikdə İslandiya, 13-də isə Krakovda Azərbaycan yığması ilə qarşılaşacaq.
