Uğurcan Çakır Bolqarıstanla oyunda iştirak etməyəcək
08.10.2025 , 13:30
Türkiyə millisinin qapıçısı Uğurcan Çakır DÇ-2026-nın seçmə mərhələsində Bolqarıstana qarşı keçiriləcək oyunda forma geyməyəcək.
Korner.az-ın xəbərinə görə, 29 yaşlı futbolçu komandanın son məşqində iştirak etməyib. Məlumatı Türkiyə Futbol Federasiyası açıqlayıb.
Bununla belə, Uğurcanın məşqə qatılmamasının səbəbi barədə heç bir açıqlama verilməyib.
Qeyd edək ki, Türkiyə millisi seçmə mərhələdə Bolqarıstanla oktyabrın 11-də, Gürcüstanla isə oktyabrın 14-də qarşılaşacaq.
