UEFA “Bavariya”nın baş məşqçisi Pep Qvardiolaya cəza tətbiq edə bilər.
Korner.az-ın xarici KİV-lərə istinadən yaydığı xəbərə görə, buna təcrübəli mütəxəssisin “Portu”ya qarşı Çempionlar Liqasında keçirilən cavab qarşılaşması öncəsi təşkil edilən mətbuat konfransında “Topo üçün ədalət” yazılı t-shirt geyinməsi səbəb olub.
Jurnalist Xorxe El Topo Lopez “DÇ-2014” üçün Braziliyada olduğu zaman avtomobil qəzasında vəfat edib. Ancaq sonradan onun öldürüldüyü iddia edilib.
UEFA İntizam Komitəsi idman tədbirini başqa məqsədlə istifadə etdiyi üçün P.Qvardiola haqda araşdırmaya başlayıb.
Qeyd edək ki, “Barselona”nın futbolçusu Lionel Messinin də yaxın dostu olan Xorxo El Topo Lopez üçün bir çox məşqçi və futbolçu mesajlar yazıb.
