Futbol

UEFA “Qarabağ”ı cəzalandırdı

21.09.2019 , 16:45

UEFA növbəti dəfə “Qarabağ” klubunu cərimələyib.

Buna səbəb Ağdam təmsilçisinin avqustun 13-ü Çempionlar Liqasının (ÇL) III təsnifat mərhələsində Kipr APOEL-inə 0:2 hesabı ilə uduzduğu matçda baş verənlərdir.

Tofiq Bəhramov adına Respublika Stadionundakı görüşdə azarkeşlər meydana kənar əşyalar atdığı üçün “Qarabağ”a 4 min 375 avro (8 min 225 manat) cərimə kəsilib.

ÇL-in III təsnifat mərhələsində Kipr APOEL-ini (2:1, 0:2) keçə bilməyən “Qarabağ” çıxışını Avropa Liqasında davam etdirir. Azərbaycan çempionu turnirin qrup mərhələsinin ilk matçında evdə İspaniya “Sevilya”sına məğlub olub – 0:3.

UEFA daha öncə “Qarabağ”ı İrlandiya Dandolk”unu məğlub etdiyi (3:0) Çempionlar Liqasının II təsnifat mərhələsinin cavab oyununa görə də cərimələyib (Report).

Son yazılar

Yuxarı