UEFA “Qarabağ”a texniki məğlubiyyət verdi
18.12.2020 , 23:23
UEFA Avropa Liqasının qrup mərhələsinin VI turunun “Vilyarreal” – “Qarabağ” oyununun baş tutmamasına görə Azərbaycan təmsilçisinə texniki məğlubiyyət verib.
Korner.az xəbər verir ki, bu barədə Ağdam klubun rəsmi saytı məlumat yayıb.
Bildirilir ki, Qarabağ”ın UEFA Avropa Liqasının qrup mərhələsinin VI turunda “Vilyarreal”la matçı COVİD-19 pandemiyası ilə əlaqədar olaraq UEFA-nın qəbul etdiyi əlavəyə əsasən komandada yetərsay qədər futbolçu olmaması səbəbindən baş tutmamışdı.
UEFA tərəfindən göndərilən yekun qərarda qarşılaşmanın yenidən keçirilməyəcəyi və “Qarabağ”a texniki məğlubiyyət verildiyi bildirilib.
