Avropa Liqasının ikinci təsnifat mərhələsi çərçivəsində "Xəzər Lənkəran"ın "Lex"lə cavab oyununda Sadio Tounkara və Robert Alvizin çıxış etməyəcəyi gözlənilirdi. Lakin UEFA-nın yeni reqlamenti Cənub təmsilçisini sevindirib.
Korner.az-ın məlumatına görə, "Nomme Kalyu" (Estoniya) və "Lex"lə görüşlərdə iki sarı vərəqə alan hər iki futbolçu Poznandakı matçda "Xəzər Lənkəran"a kömək edə biləcək. Yeni reqlamentə əsasən bu kart limiti üçə çatdırılıb. Əgər bu iki futbolçudan hər hansısa biri növbəti dəfə cəzalanarsa klub mərhələ adlayacağı təqdirdə "Xəzər Lənkəran"a kömək edə bilməyəcək.