UEFA “Neftçi”nin oyununun yerini dəyişdi
19.06.2019 , 10:05
Avropa Liqasının 1-ci təsnifat mərhələsində “Neftçi” və “Sperantsa” klubları arasındakı oyunların yeri dəyişdirilib.
Korner.az-ın UEFA-nın rəsmi saytına istinadən yaydığı xəbərə görə, ilk qarşılaşma əvvəlcədən açıqlandığı kimi Azərbaycanda deyil, Moldovada keçiriləcək. Cavab matçı isə 1 həftə sonra Bakıda olacaq.
Qeyd edək ki, ilk matç iyulun 11-də, ikinci görüş isə iyulun 18-də oynanılacaq.
