UEFA İcraiyyə Komitəsinin yeni üzvləri açıqlandı
07.02.2019 , 19:07
UEFA İcraiyyə Komitəsinin yeni üzvləri müəyyənləşib.
Seçki qurumun İtaliyanın paytaxtı Romada keçirilən 43-cü Konqresində baş tutub.
Ukrayna Futbol Federasiyasının prezidenti Andrey Pavelko, Xorvatiya Futbol İttifaqının prezidenti Davor Şuker, Macarıstan Futbol Federasiyasının rəhbəri Şandor Çanyi, Albaniya Futbol Assosiasiyasının prezidenti Armand Duka, Danimarka Futbol Federasiyanın rəhbəri Yesper Meller-Kristensen, İspaniya Futbol Federasiyasının prezidenti Luis Rubiales və Portuqaliya Futbol Federasiyasının prezindeti Fernandu Qomeş qurumun İcraiyyə Komitəsinə daxil olub. Qadın üzvlüyə namizəd kimi fransalı Arduen Florans seçilib.
UEFA Avropa Klublar Assosiasiyasının (ECA) İcraiyyə Komitəsinin üzvü kimi Fransa PSJ-sinin prezidenti Nasser Əl-Xəlafini təsdiqləyib. Bundan əlavə ECA-nın başçısı və İtaliya “Yuventus”unun prezidenti Andrea Anyelli UEFA İcraiyyə Komitəsində təmsil olunacaq.
Macarıstanlı Şandor Çanyi UEFA-dan FIFA-nın vitse-prezidenti seçilib. İngiltərəli Qreq Klark Britaniya Futbol Assosisiyasının nümayəndəsi olaraq FIFA-nın vitse-prezidenti olub.
Almaniyalı Raynxard Qrindel FIFA-da UEFA nümayəndəsi kimi təmsil olunacaq.
Qeyd edək ki, Aleksander Ceferin bu gün yenidən UEFA-nın prezidenti seçilib.
