Azərbaycanın FİFA referisi Orxan Məmmədov UEFA-dan yeni təyinat alıb.
Korner.az-ın UEFA-nın rəsmi saytına istinadən verdiyi məlumata görə, referimiz 17 yaşadək futbolçulardan ibarət yığmalar arasında keçiriləcək Avropa çempionatının elit-raund mərhələsinin oyunlarını idarə edəcək.
O.Məmmədov 4-cü qrupda keçiriləcək İrlandiya – Yunanıstan və İrlandiya – Polşa görüşlərinin baş hakimi olacaq. Ona hər iki oyunda həmyerlimiz Mübariz Həşimov köməklik edəcək.
Qeyd edək ki, İrlandiya – Yunanıstan oyunu martın 21-də, İrlandiya – Polşa oyunu isə martın 26-da keçiriləcək.
