Dünya çempionatı 2014-ün seçmə mərhələsi çərçivəsində oktyabrın 16-da keçiriləcək Rusiya və Azərbaycan matçının baş hakimi müəyyənləşib.
Korner.az-ın UEFA-nin rəsmi saytına istinadən veridiyi məlumata görə, qarşılaşma makedoniyalı referi Aleksandr Stavrevə həvalə olunub. Onun köməkçilərinin adları isə hələ məlum deyil.
Qeyd edək ki, Aleksandr Stavrev əvvəllər Azərbaycan yığmasının 2008-ci ildə Uelslə keçirdiyi 2010-cu il dünya çempionatının seçmə qrup matçının baş hakimi olub. Uelsin 1:0 hesabı ilə qalib gəldiyi oyunda o, yığmamızın futbolçusu Fabio Luis Ramimə qırmızı vərəqə göstərib və millimizin qapısına penalti təyin edib. Lakin Ceyson Kumasın zərbəsini millimizin qapıçısı Kamran Ağayev dəf edib.