UEFA AÇ-2020-də millilərin Bakıda məskunlaşacağı yerləri açıqladı
08.02.2019 , 12:24
UEFA AÇ-2020-nin final mərhələsinin keçiriləcəyi şəhərlərdəki təlim-məşq bazalarının və qalacağı otellərin onlayn-kataloqunu təqdim edib.
Siyahıda Avropa çempionatına ilk dəfə ev sahibliyi edəcək Bakıya aid 3 stadion və 3 otel yer alıb.
“Bakcell Arena”nı seçəcək milli komandaya “Fairmont Baku Flame Towers Hotel”, “Dalğa Arena” üçün “Bilgah Beach Hotel”, Tofiq Bəhramov adına Respublika stadionunda məşq edəcək yığmaya isə “Excelsior Hotel & Spa Baku” təklif edilib.
Qeyd edək ki, qrup mərhələsinin 3, 1/4 final mərhələsinin isə 1 oyunu Bakı Olimpiya Stadionunda olacaq.
