Ölkə Kuboku

“Uduzandan sonra nəsə demək çətindi”

02.02.2021 , 23:06

“Neftçi”nin baş məşqçisi Samir Abasov Azərbaycan Kubokunun 1/4 final mərhələsində “Zirə”yə məğlubiyyəti (0:1) şərh edib.

Korner.az xəbər verir ki, mütəxəssis oyunla bağlı bunları deyib:

“Uduzandan sonra nəsə demək çətindi. Çox yaxşı oyun keçdi. Matçın üstündə çox dayanmayacağam. Bizim həddindən artıq azarkeşlərimiz var. Onlara müraciət edirəm ki, Səlahət Ağayevin üstünə çox düşməsinlər. Xahiş edirəm, günah onu qapıya qoyandadı. Öz komandamıza görə onun üstünə düşməyək. Təcrübəsi var, onun da səhv etməsi normaldı. Azarkeşlərdən xahiş edirəm ki, yazılarımıza diqqət edək. Bizim azarkeş qruplarımız böyükdü. Qapıçının üstünə düşməyək ki, onun səhvi var. Bundan sonra komandamıza çətin olacaq. “Zirə” müdafiəyə meyil etdi. Amma nəticəni dəyişə bilmədik. Monroz və Lavalla bağlı problem var. Hücumçu da ala bilməmişik”.

Abasovun sözlərinə görə, rəqib bu gün Sabir Buqrinin oyununu uğurla bağlayıb: “Necə edə bilərik? İkinci Buqrinimiz yoxdu. Yenə şans 50 faizdi. Özümüzə inanırıq. Riçard Almeyda ayağını tutanda futbolçulara dedim ki, topu kənara çıxarın. Ona görə mübahisə yarandı. Görüşdə çox qol epizodları yaratmadıq. Topun biri dirəkdən qayıtdı. Həqiqətən yaxşı oynadıq. Məncə, heç-heçə ədalətli olardı”.

Baş məşqçi görüşdə zədələnənən kapitan Emin Mahmudovun durumu haqda da danışıb: “Emin əvvəl müdafiəyə yaxın oynayırdı, indi isə hücuma meyil etməsini istəyirik. Dodağı partladı, tikiş atılıb. Görüşün ikinci hissəsində daha dinamik oynadıq. Çempionatda ikinci pilləyə düşməyimiz bizdə inamsızlıq yaratmır”.

Son yazılar

Yuxarı