19 yaşadək futbolçulardan ibarət komandalar arasında Avropa çempionatının ilkin seçmə mərhələsində Slovakiya ilə qarşılaşan millimizin baş məşqçisi Nikolay Adam oyunla bağlı fikirlərini bildirib.
Korner.az-ın məlumatına görə, o, 1:4 hesabı ilə uduzduqları matç haqda bunları deyib:
“Slovakiya ilə oyunun çətin keçəcəyini bilirdik. Çünki bu komandanın heyətində rəqibin səhvlərini bağışlamayacaq səviyyədə futbolçular yer alıb. Onlar bütün şanslardan effektli istifadə edirlər. Şənbə günü bizi finala bərabər oyun gözləyir. Sloveniya ilə oyuna ciddi hazırlaşacağıq. Bu matçda qələbə qazanmaq istəyirik. Fikrimcə, bu mümkündür”.
