Belçikanın Eisden şəhərindəki “Patro Eisden” stadionunda 17 yaşadək futbolçulardan ibarət komandalar arasında Avropa çempionatının ilkin seçmə mərhələsində Azərbaycan yığması son oyununu keçirib.
Korner.az-ın AFFA-nın rəsmi saytına istinadən verdiyi məlumata görə, futbolçularımız Bosniya və Herseqovina yığması ilə qarşılaşıb.
Oyun 1:1 hesabı ilə başa çatdığı üçün və hər iki komandanın topladığı xallar bərabər olduğuna görə, turnir cədvəlində yığmaların mövqeyinin müəyyənləşdirilməsi məqsədilə oyunsonrası penalti seriyası təyin olunub. 11 metrlik zərbələri daha dəqiq vuran Bosniya və Herseqovina yığması 4:3 (ümumi nəticədə 5:4) hesabı ilə qalib gəlib.
Yığmamız ilkin seçmə mərhələdə ən yaxşı göstəriciyə malik üçüncü yeri tutmuş komandalardan biri kimi növbəti mərhələyə vəsiqə qazanıb.
Bosniya və Herseqovina 1:1 Azərbaycan
Qollar: Denis Zeriç, 11 / Oruc İsmayılov, 26
AZƏRBAYCAN: 1. Tural Osmanov, 2. Ruslan Bediyev, 5. Xəyal Əmirli, 6. Kazım Birkan, 7. Nicat Süleymanov, 8. Yusif Cəfərov
(10. Ziya Əzizov, 80), 9. Qara Qarayev, 11. Orus İsmayılov, (21. Fərid Nəbiyev, 78), 13. Hacıağa Hacıyev (k), 14. Kənan Zülfüqarov, 22. Amin Seydiyev, (15. Emin Quliyev, 80+2).
Ehtiyat oyunçular:
12. İsmayıl Muradov, 16. Elçin Əsədov, 19. Ravil Yusifov
Baş məşqçi: Mirbağır İsayev
