Xəzər Lənkəran” bu gün haqsızlıqla üzləşib. 2014-cü ilin 20 avqustunda haqqımızda qərar çıxarılıb. Sonradan bizə məktub daxil oldu ki, qarşıdakı 2 transfer pəncərəsi zamanı yeni oyunçu transfer edə bilmərik”.
Korner.az-ın “Futbolxeber.az”a istinadən verdiyi məlumata görə, bu sözləri “Xəzər Lənkəran”ın vitse-prezidenti Tuyqun Nadirov deyib.
Bu gün mətbuat konfransı keçirən Lənkəran klubunun rəsmisi qeyd edib ki, FİFA-nın məqsədi “Xəzər Lənkəran”ı zəiflətməkdir: “Həmin qadağa bu ilin 31 avqustunda qüvvədən düşürdü. Bunu nəzərə alaraq, biz yayda heyətimizi istər yerli, istərsə də əcnəbi futbolçularla gücləndirdik. Bu da normaldı.
Lakin sonrada FİFA-dan gələn məktubda qeyd olundu ki, yalnız növbəti transfer pəncərəsi zamanı heyətimizə oyunçular qata bilərik. Bu isə haqsızlıqdır. Beynəlxalq futbol qurumunun cavabından da açıq-aşkar görünür ki, onlar klubun zəifləməsini, meydana zəifləmiş heyətlə çıxmasını istəyirlər”.
