"Adından da göründüyü kimi bu hazırlıq matçıdır. Artıq gələn həftədən bizdə superliqanın oyunları başlayır. Bu səbəbdən, hazırlıq oyunları çox önəmlidir”.
Korner.az-ın məlumatına görə, bu sözləri Türkiyənin “Ərciyəssəpor” klubunun baş məşqçisi Mehmet Özdilək “Neftçi” ilə yoxlama matçından (0:0) sonra deyib.
Təcrübəli mütəxəssis “Neftçi” və Azərbaycan futbolunun hazırki vəziyyəti haqda xoş sözlər deyib:
“Bu gün hər iki komanda üçün yaxşı bir məşq oldu. Qol vəziyyətlərimiz oldu. Oyunda sürət və mübarizə vardı. Azərbaycan komandaları və ölkə çempionatı getdikcə güclənir. Bu komandada da fərdi ustalığı yüksək səviyyədə olan futbolçular var."