“Mersin İdmanyurdu”nun baş məşqçisi Rza Çalımbay gözlənilmədən istefa verib.
Korner.az-ın məlumatına görə, Çalımbayın bu qərarı almasına səbəb klub prezidenti Ali Kahramanlının maliyyə problemi ilə bağlı verdiyi açıqlama olub. Belə ki, Kahramanlı klubda ciddi problemin olmadığını, lakin baş məşqçi və futbolçuların bunu şişirtdiklərini demişdi. Rza Çalımbay istefa ərizəsini rəhbərliyə artıq təqdim edib.
Qeyd edək ki, Rıza Çalımbay mövsümün əvvəlində “Mersin İdmanyurdu”nun “sükanı arxasına” gətirilib. Komanda Superliqada 21 turdan sonra turnir cədvəlində 7-ci pillədə qərarlaşıb.
