Sabah dünya çempionatının qrup oyunları çərçivəsində səfərdə Macarıstanın qonağı olacaq Türkiyə millisində zədə epidemiyası davam edir.
Korner.az-ın Türkiyə mətbuatına istinadən verdiyi məlumata görə, zədə səbəbindən Macarıstana aparılmayan Selcuk İnan və Burak Yılmaza, Gökan Gönül və Mehmet Topalda qoşuldu. Lakin daha bir şok zədə isə az öncə məlum oldu. Belə ki, Madrid "Atletiko"sunun formasını geyinən Arda Turan da səfərdə "ay-ulduzlar"a kömək edə bilməyəcək. Onun məşqdə zədələndiyi və bu səbəbdən ayağında ağrılar hiss etdiyi bildirilir. Türkiyə yığmasının baş məşqçisi Abdullah Avcı Ardanı səfərə aparsa da onu meydana buraxmayacaq.