Türkiyənin “Bursaspor” klubunda oynayan Dəniz Yılmaza Azərbaycanın milli Komandasında oynamaq təklif edilib.
Korner.az-ın məlumatına görə, bu haqda “Anadolu” agentliyi məlumat yayıb. Bildirilir ki, ötən mövsüm o, ara transferdə “Trabzonsop”da oynayıb.
Futbolçunun meneceri Ərdəm Karagöl deyib ki, bu ilki Avropa oyunlarından əvvəl onun Türkiyə millisində də oynayacağı gözlənilirdi: “Dəniz Yılmaz Almaniyada doğulub. O, əvvəllər Almaniya və Türkiyə millilərində oynamadığı üçün Azərbaycanın adından beynəlxalq yarışlarda iştirak etməyin problem olmadığını söyləyib. O, Azərbaycan millisində oynaması ilə bağlı təklifi sevinclə qarşıladı. Ancaq düşünmək üçün bir az vaxt istədi. 3-4 gün ərzində qərarını verəcək. Hazırda “Bursaspor”un təlim-məşq toplanışlarındadır” (Report).
