Rumıniya 1. Liqasının "Voluntari" klubunda forma geyinən Miha Kostea oyun alqı-satqısında təqsirli bilinir.
Korner.az-ın məlumatına görə, hücumçu mərc kontorlarının birində 3 qarşılaşmaya təxmini hesab yazarkən görüntülənib.
Həmin üç matçlardan birinin Türkiyə Kuboku çərçivəsində keçirilən "Antalyaspor" – "Giresunspor" qarşılaşmasının olduğu iddia edilir.
Rumıniyanın nüfuzlu "Liber Tatea" qəzetinin yaydığı xəbərdən sonra futbolçu polis tərəfindən nəzarətə götürülüb və klubla əlaqəsi kəsilib.
Bu haqda "Voluntari" klubunun baş məşqçisi Gigi Multesku da açıqlama verib:
"Kostea mənə bu fotonun 2 il əvvələ aid olduğunu deyib".
Kostea 3 həftə öncə keçirilən "Astra" – "Voluntari" qarşılaşmasında da qəsdən penalti yaratmaqla gündəmə gəlmişdi. Bu hadisədən sonra hücumçunun həmin matça da "əl qoyduğu" sualları yaranır.
