Türkiyə klubu “Napoli”dən futbolçu transfer edir
13.08.2024 , 11:30
“Napoli”nin yeni mövsüm heyətində yer almayacaq oyunçusu Mario Rui “Qalatasaray”ın transfer hədəfinə düşüb.
Korner.az xəbər verir ki, İstanbul təmsilçisi Ruinin meneceri ilə əlaqə saxlayıb və mümkün transfer şərtlərini müzakirə edib.
Bundan başqa, 33 yaşlı futbolçu Portuqaliya və İspaniya klublarından da təklif alıb.
“Qalatasaray”ın təcrübəli futbolçu üçün 2 illik müqavilə və illik bonuslar xaric 1,5 milyon avro ödəməyi planlaşdırdığı bildirilib.
“Napoli”nin müqaviləsi 2026-cı ildə bitəcək Rui üçün aşağı transfer haqqı tələb edəcəyi gözlənilir.
Ötən mövsüm İtaliya təmsilçisinin heyətində 28 rəsmi oyuna çıxan futbolçu bu matçlarda 2 məhsuldar ötürmə edib.
Mina Musayeva
