Badri Kvaratsxeliyanın “Turan”dan ayrılmasından sonra boş qalan baş məşqçi postuna təyinat çox gecikməyib.
Klubun mətbuat katibi Süleyman Tağıyev yeni baş məşqçinin təyinatının artıq rəsmiləşdiyini bildirib:
“Artıq Əfqan Talıbov rəsmən baş məşqçi kimi təyin olunub. Sevindirici məqamdır ki, komandanın heyəti tam qorunub və futbolçulardan heç kim komandanı tərk etməyib. Yanvarın 10-15-i aralığında təlim-məşq toplanışına start verməyi planlaşdırırıq. Təlim-məşq toplanışı böyük ehtimalla Tovuzda baş tutacaq. Məşqçilər korpusunu da Əfqan müəllim özü təyin edəcək. Klub öz strategiyası olan gənclərin üzə çıxması və onların futbolumuza qazandırması yönündə öz işlərini daha da gücləndirəcək”.