“Turan Tovuz”un rəqibləri məlum oldu
02.01.2023 , 21:08
“Turan Tovuz” mövsümün ikinci hissəsinə hazırlıq məqsədi ilə yanvarın 3-də Bakıda bir araya gələcək.
Korner.az klubun mətbuat xidmətinə istinadən xəbər verir ki, komanda yanvarın 7-də Antalyaya yola düşəcək. Artıq komandanın hazırlıq çərçivəsində keçirəcəyi yoldaşlıq oyunlarının tarixləri bəlli olub.
Belə ki, ilk olaraq 9 yanvar tarixində “Turan Tovuz” “Petrolul”la qarşılaşacaq. 13 yanvar tarixində isə baş məşqçi Ayxan Abbasov İsveçrə “Aarau”su ilə oyunda komandanı sınaqdan keçirəcək.
Antayla təlim-məşq toplanışında son oyun isə yanvarın 17-də Polşa “Qurnik“inə (Zabrje) qarşı olacaq.
Komanda yanvarın 18-də hazırlığı başa vuraraq vətənə dönəcək.