“Turan Tovuz”un baş məşqçisinin cəzası açıqlandı
16.04.2025 , 13:49
Azərbaycan Premyer Liqasının 30-cu turunda “Sabah”la oyunda qırmızı vərəqə alan “Turan Tovuz”un baş məşqçisi Kurban Berdıyevin cəzası bəlli olub.
Korner.az xəbər verir ki, AFFA İntizam Komitəsinin bugünkü iclasından sonra türkmənistanlı mütəxəssisin 3-ü şərti olmaqla 5 oyunluq diskvalifikasiya edildiyi açıqlanıb.
72 yaşlı çalışdırıcı matçın 19-cu dəqiqəsində ikinci sarıdan qırmızı vərəqə aldıqdan sonra hakimləri təhqir etdiyinə görə bu cəzanı alıb. “Turan Tovuz” klubu isə 4000 manat cərimə edilib.
