“Turan Tovuz”da yeni futbolçu
22.03.2023 , 13:35
“Turan Tovuz” heyətini yeni futbolçu ilə gücləndirib.
Korner.az xəbər verir ki, bölgə təmsilçisi müdafiəçi Roderik Milleri transfer edib. Bu barədə klubun mətbuat xidməti məlumat yayıb.
30 yaşlı müdafiəçi ilə müqavilə mövsümün sonuna qədər nəzərdə tutulub.
Son klubu İraqda “Əl Mina” olan Miller karyerası ərzində bu ölkədə “Əl Quva”, Portuqaliyada “Feyrense”, Panamada “San Fransisko”, Meksikada “Merida”, Qazaxıstanda “Okjetpes”, Kolumbiyada “Atletiko Nasyonal”da forma geyinib.