Ölkəmizi Çempionlar Liqasında təmsil edəcək "Neftçi" heyətini gücləndirməkdə davam edir. Korner.az-ın məlumatına görə, "ağ qaralar" Çili milli komandasının futbolçusu Niko Kanalisin transferini bitirmək üzrədi. Futbolçu özü bu haqda mətbuata açıqlamalarda verib:
“Həftəsonu Türkiyəyə yollanacağam. Orada hazırlıq keçən “Neftçi”nin düşərgəsinə qoşulub yeni komandamla hazırlıq keçəcəyəm".
Məsələ ilə bağlı klubun mətbuat xidmətinin rəhbəri Gündüz Abbaszadə ilə əlaqə saxladı. Klub rəsmisinin Korner.az-a verdiyi açıqlamada həm Kanalisin həm də Denis Silvanın komandaya qoşula biləcəyi haqda yayılan xəbərlərə münasibəti belə oldu:
"Transfer çalışmalarına bütün nəzarəti birbaşa klub prezidenti Sadıq Sadıqov həyata keçirir. Ortada rəsmi bir şey yoxdu. Futbolçu mətbuata açılama veribsə bu onun məsuliyyətidi. Denis Silvanın komandamıza qayıtmasına gəlincə, hələ ortalıqda bir şey yoxdu. Bu barədə hər hansı bir məlumat olsa, ictimaiyyətə açıqlanacaq".
