“Trabzonspor” 10,5 milyon avroluq təklifi rədd etdi
23.01.2025 , 13:28

“Trabzonspor” Batista Mendi üçün gələn təklifi rədd edib.
Korner.az xəbər verir ki, Fransanın “Renn” klubu 25 yaşlı oyunçu üçün “Trabzonspor”un qapısını döysə də, müsbət cavab ala bilməyib.
Bu barədə Türkiyə mətbuatı məlumat yayıb.
Xəbərdə, klubun “Renn”in 10,5 milyon avroluq təklifini dəyərləndirmədiyi qeyd olunub.
Hazırda transfer dəyəri 10 milyon avro olaraq göstərilən Batista Mendinin klubu ilə müqaviləsi 2027-ci ilə qədərdir.
Bu mövsüm “Trabzonspor”un heyətində 25 matçda iştirak edən futbolçu 2 məhsuldar ötürmə edib.
