“Tottenhem”də beş ciddi itki – “Barselona”ya qarşı oynamayacaqlar
02.10.2018 , 18:07
“Tottenhem”in beş futbolçusu Çempionlar Liqasının qrup mərhələsinin 2-ci turunda “Barselona” ilə oyunu buraxacaqlar
Yarımmüdafiəçilər Dele Alli, Kristian Eriksen, Mussa Dembele və müdafiəçilər Yan Vertonqen və Serj Orye zədə səbəbindən Kataloniya klubu ilə matçda iştirak etməyəcəklər.
Onların milli komandaların oyunlarından sonra məşqlərə qayıdacağı gözlənilir. Bu isə o deməkdir ki, sözügedən futbolçular Premyer Liqanın 8-ci turunda “Kardiff”lə görüşü də buraxacaqlar.
Qeyd edək ki, “Tottenhem” – “Barselona” matçı sabah Bakı vaxtı ilə 23:00-da başlayacaq.
