“Tottenhem” Manor Solomonu icarədən geri çağırdı
03.01.2026 , 10:30
“Tottenhem” Manor Solomonu “Vilyarreal”dakı icarə müqaviləsindən vaxtından əvvəl geri çağırıb.
Korner.az klubun rəsmi saytına istinadən xəbər verir ki, israilli hücumçu mövsümün sonuna kimi İtaliya təmsilçisi “Fiorentina”nın formasını geyinəcək.
25 yaşlı futbolçu 2025/26 mövsümünün ilk yarısında “Vilyarreal”ın heyətində 11 oyunda meydana çıxaraq 1 dəfə fərqlənib. Solomon 2023-cü ilin yay transfer pəncərəsində azad agent kimi “Tottenhem”ə cəlb olunub. O, London klubunda keçirdiyi 6 qarşılaşmada 2 qol ötürməsi ilə yadda qalıb.
Qeyd edək ki, Manor Solomunun “Tottenhem”lə müqaviləsinin müddəti 2026-cı ilin yayına qədərdir.
