Topaz Premyer Liqasının XXI turu rəqəmlərin gözü ilə
14.03.2019 , 13:35
Bu həftə Topaz Premyer Liqasında III dövrəyə yekun vurulacaq.
PFL-in rəsmi saytı istinadən verilən məlumata görə, bu oyunlardan sonra çempionatda milli komandaların oyunları ilə əlaqədar fasilə yaranacaq. Peşəkar Futbol Liqasının rəsmi saytı bu turda üz-üzə gələcək cütlərin ölkə çempionatları tarixindəki oyunlarının balansını təqdim edir.
Topaz Premyer Liqası
XXI tur
15 mart (cümə)
81. “Sabah” – “Sumqayıt” – 2 oyun, +1=0-1, top fərqi 2-4
Hər iki oyunda meydan sahibi olan tərəf məğlub olub. “Sabah” bu görüşlərdə meydanı qolsuz tərk etməyib.
82. “Neftçi” – “Qəbələ” – 42 oyun, +18=8-16, top fərqi 54-55
“Neftçi” son 7 oyunda meydanı qolsuz tərk etməyib. “Qəbələ” səfərdəki son iki görüşdə xal qazanmayıb.
83. “Səbail” – “Qarabağ” – 6 oyun, +1=0-5, top fərqi 0-7
“Qarabağ” texniki nəticənin qeydə alındığı matçdan başqa bütün oyunlarda qələbə qazanıb. “Səbail” bu görüşlərdə qol vura bilməyib.
84. “Zirə” – “Keşlə” – 14 oyun, +2=8-4, top fərqi 12-14
“Keşlə” 4 oyundur meydanı qolsuz tərk etmir. “Zirə” son 5 ev oyununda qalib gəlməyib.
Qeyd edək ki, XXI turun qarşılaşmaları eyni gündə keçiriləcək.