“Topaz”ın dəstəyi ilə keçirilən çimərlik futbolu üzrə Azərbaycan çempionatının qalibi məlum olub. Korner.az-ın məlumatına görə, “Bakı” klubu “Topaz Super Liqası”nın qızıl medalını qazanıb.
Gərgin mübarizə şəraitində keçən çempionatda II yerə “Neftçi” İSM, III yerə isə “Qarabağ” komandası layiq görülüb. “Topaz Super Liqası”nın qalibi “Bakı” Azərbaycanı klublararası çimərlik futbolu üzrə dünya çempionatında təmsil edəcək.
Qeyd edək ki, “Topaz Super Liqa” yarışında 6 komanda iştirak edib. Dairəvi sistemlə keçirilən yarışda bu komandalar mübarizə aparıb: “Turan”, “Neftçi”, “Bakı”, “Qarabağ”, “Sumqayıt”, “Sərhədçi”.
“Topaz” çimərlik futbolu üzrə Super Liqa oyunlarına dəstək olmaqla yanaşı, avqustda keçirilmiş “Topaz Cup” həvəskarlar Liqasına da sponsorluq etmişdi. Şirkət gələcəkdə də Azərbaycanda idmanın inkişafına öz töhvəsini verəcək.
“Topaz” Azərbaycanda qanuni mərc oyunudur. “Topaz” 18 yaşına çatmamış şəxslərin mərclərini qəbul etmir. “Topaz” öz iştirakçılarının uduşlarına dövlət təminatı verir. Əlavə məlumat almaq üçün 926 qısa nömrəsinə zəng etmək kifayətdir.
