Azərbaycan teleməkanın populyar futbol verilişi “TOP TOP” növbəti buraxılışı ilə tamaşaçıların görüşünə gəlib.
Korner.az xəbər verir ki, “TOP TOP”un bu sayı da Azərbaycan futbolunda baş verən ən maraqlı hadisələrə həsr olunub.
Proqramın bu dəfəki qonaqları Azərbaycan Tələbə Futbol Federasiyasının baş katibi Əfqan Həmzəyev, “İmarət” fan klubunun rəhbəri Yusif Rüstəmli, fan klubun İdarə Heyətinin üzvü Xəyyam Hüseynov və “Neftçi” klubunun prezidentinin müşaviri Elnur Əşrəfoğlu olub. “TOP TOP”da Azərbaycan futbolunun hazırki durumu müzakirə edilib, Topaz Premyer Liqasında baş verən hakim səhvlərinə toxunulub. “Qarabağ”ın Avroliqa oyunlarından və İtaliyada keçirdiyi matçdan danışılıb. Verilişin aparıcısı Elçin Cəfərov olub. Bir sözlə teleməkanın maraqlı futbol proqramını izləməyə dəyər. “TOP TOP”un videoyazısını təqdim edirik:
