TOP-5: Məşhur futbolçuların qol sevincləri – Niyə belə sevinirlər?
06.03.2019 , 11:41
Topla oynanılan oyunlar içərisində ən məşhuru sübhəsiz ki, futboldur. Futbol kiçikdən böyüyə ətrafına yüzlərlə azarkeş toplayan idman növüdür. Hətta, futbolu “eşq” adlandıran çılğın azarkeşlər də az deyil. Günümüzdə futbolun populyarlığının səbəblərindən biri də futbolçulardır. Onlar yaşıl meydançada mübarizə aparmaqla yanaşı hərəkətləri, özlərinəxas davranışları ilə də futbol dünyasının ən yadda qalan simalarıdır.
Bu yazıda dünyaca məşhur futbolçuların qol sevinclərini sizlərə təqdim edəcəyik.
LİONEL MESSİ
İlk sırada “yadplanetli” ləqəbi ilə tanınan Argentinalı məşhur futbolçu Lionel Messi var. Futbolçu qol vurduğu zaman iki barmağını havaya qaldırır. Lakin, bununla səmanı deyil , uşaqlıqdan onun futbolçu olması üçün daim ona dəstək olan nənəsini işarə edir.
ANTUAN QRİZMAN
Fransa Milli komandasının və “Atletiko” Madridin hücumçusu Antuan Qrizman ardıcıl vurduğu qollarla futbolsevərlərin sevdiyi simalardan biridir. Vurduğu qolun ardından rəqs etməsi ilə yaddaşlarda qalıb. Futbolçu bu rəqsi ilə əslində məşhur reper Dreykin “Hotline Bling” adlı mahnısındakı hərəkətləri təqlid edir.
LUİS SUARES
“Barselona”nın və Uruqvay milli komandasının oyunçusu Luis Suares “El Pistolero” ləqəbi ilə tanınır. Uruqvaylı hücumçu vurduğu hər qoldan sonra öncə əl biləyini, daha sonra isə üç barmağını öpərək sevincini paylaşır. Onun bu hərəkəti həyat yoldaşı və üç övladını simvolizə edir.
FABİO BORİNİ
Siyahının digər bir məşhur ismi hücumçu Fabio Borinidir. Digər futbolçulardan fərqli olaraq uğurlu çıxış etməyən futbolçunun qol sevinci isə bir qədər fərqlidir. Belə ki, oyunçu qol vurduğu zaman bir əlini dişləyir. Bu haqda futbolçu : “İtaliyada insan bir şeyi istəyər və uğrunda mübarizə apararsa, ona savaşçı deyirlər. Bu hərəkətimlə mən sanki, dişlərimin arasında bıçaq var mesajını verirəm”- deyə bildirib.
BAFETİMBİ QOMİS
Siyahının ən maraqlı isimlərindən biri də 2017-2018 –ci illər arasında “Qalatasaray” da forma geyinən hazırda isə “ Əl-Hilal” klubunda çıxış edən futbolçu Bafetimbi Qomisdir. Gomisin ənənəvi qol sevinci “aslan pəncəsi”dir. Bununla Qomis afrikalı futbolçu Salif Keitaya salam göndərir. Hətta, yaxın günlərdə oynanılan matçda onun bu ənənəvi qol sevinci topdaşıyan uşağı qorxutmuşdu. 33 yaşlı futbolçu oyundan sonra həmin azarkeşin yanına gedərək formasını ona hədiyyə verib və uşağın könlünü ala bilib .
