TOP 10: Ən cəsarətli azarkeş
07.12.2018 , 13:40
Hər kəsə məlumdur ki, futbol matçı zamanı meydanda hakim və 22 futbolçu olur. Bu qanun hər zaman keçərlidir, sadəcə bir istisna hal var: meydana azarkeş daxil olarsa, say dəyişir. Cəsarətli azarkeşlərdən kimisi paltarsız meydana daxil olub sadəcə yadda qalmaq istəyir, kimisi paltarla sevdiyi futbolçunu qucaqlamaq istəyir, kimisi də sadəcə özünü oyunun içində hiss etmək istəyir. Dünya futbol tarixində baş vermiş ən maraqlı azarkeş müdaxiləsini sizlərə təqdim edirik.
1. İtalyan ehtirası
Futbolsevər qadınlar arasında sorğu aparılsa, şübhəsiz ki, ən seksual futbol yığması İtaliya millisi seçilər. Buna sübut kimi italyanların bir sıra matçında azarkeşlərin müdaxiləsini görmüşük. Apenin yarımadasının təmsilçilər Avro-2008 hazırlıq zamanı keçirilən matçların birində stadionda oyunöncəsi məşq edirlər. Cəsarətli xanım azarkeş isə sevdiyi futbolçuları yaxından görmək üçün meydana daxil olur
2. Azarkeşi qəzəbləndirən qol penalti
Şotlandiya çempionatında bəzən çox maraqlı hadisələr baş verir. Onlardan biri 1981-ci ildə “Aberdin” və “Seltiks” qarşılaşmasında baş verib. Penaltini dəqiq yerinə yetirən “Aberdin”li futbolçu Qordon Straçan azarkeşin hücumuna məruz qalıb
3. Ən axmaq qırmızı vərəqə
Yunanıstan çempionatı da azarkeşləri maraqlı hadisələrlər az təəccübləndirməyib. Bunlardan biri aşağıdaki videodadır. Meydana daxil olmuş azarkeşə qarşı kobu oynayan futbolçu qırmızı vərəqə ilə meydandan qovulur
4. “Oyundan sonra evə gəl!”
Rumıniya qızlarının cəsarəti haqda danışmağa dəyər. Xüsusən də bu videodan sonra. Xanım azarkeş “Sportul” – “Braşov” matçında meydana daxil olaraq əlindəki pankartı hər kəsə nümayiş etdirmişdi. Xanım azarkeş sevgilisinə mesajı belə çatdırmağı düşünüb: “Dani, oyundan sonra evə gəl!”
5. Ronaldinoynun yeni dostu
Bu azarkeş öz idealına qovuşmaq üçün istənilən maneələrə tab gətirməyə hazır görünür
6. “Spartak”ın 12-ci oyunçusu
“Azarkeş hər komandanın 12-ci oyunçusudur” ifadəsi bu videoda hərfi mənada öz təsdiqini tapır. “Saturn” – “Spartak” matçında meydana daxil olan azarkeşlər penalti zərbəsini qolla tamamlayır və stadionda sevinclərini qeyd edirlər
7. Azarkeş bitiriciliyi
Əgər İngiltərə Kubokunda “Mançester Yunayted” “Barnsli” klubu ilə qarşılaşırsa, sizcə kim qalib gəlməlidir? Təbii ki, cavab məlumdur. Ancaq “Barnsli” azarşeləri bununla razılaşmaq fikrində deyildilər. Buna görə də, meydana daxil olub məsələni həll edirlər
8. Uşaqların dostu – Bekhem
Bir az cəldlik, bir az da cəsarət. Oyun zamanı Bekhemi qucaqlamaq üçün tələb olunanlar bunlardı. Ən azından azyaşlı azarkeş bunu bizə belə sübut edir
9. Saxta çempion
Məşhur fransalı komik Remi Qallar özünə rahatlıqla ölkə kubokunun qalibi deyə bilər. “Loryan” Fransa Kubokunu başı üzərinə qaldıranda azarkeşlər arasından mühafizəçilərdən sıyrılıb meydana daxil olan fanat komanda ilə eyni formanı geyinmişdi. Nəticədə, o da “loryan” futbolçuları ilə birgə çempionluğu qeyd edir, müsahibə və avtoqraf verirdi
10. Kantonaya oxşayan azarkeş
Karl Pauer – futbol dünyasının məşhur yumoristlərindən biridir. O, Çempionlar Liqasını 1/4 final mərhələsində özünü “Mançester Yunayted”in futbolçusu kimi təqdim edə bilmişdi. Belə ki, oyundan öncə futbolçular xatirə fotosu çəkdirdiyi vaxt Pauer mühafizəçilər səddini keçib futbolçuların yanına gəlmişdi. “Qırmızı şeytanlar”ın formasını geyinən futbolçunu heç kim azarkeşdən ayırd edə bilməmişdi. Yalnız fotoya sonradan baxan futbolçular azarkeşi Kantonaya bənzədib, çaşqınlıq içində qalmışdılar.
