Toni Kros: “Belə bir şey olmayacaq”
06.03.2019 , 22:03
Madridin “Real” klubunun almaniyalı futbolçusu Toni Kros “Ayaks” ilə oyundan sonra mətbuata açıqlamalar verib.
29 yaşlı yarımmüdafiəçi hazırki vəziyyətin onu çox narahat etdiyini bildirib.
Toni Kros: “Yaxşı komandamız var və bunu mövsümün bəzi məqamlarında göstərdik. Lakin, düzünü desək lazımi qədər istəkli olmadıq və bütün kubok qazanmaq ehtimallarımızı bu həftə itirdik. Bunu qəbul etmək çox çətindir. İnsanlar keçmişdə olanları çox tez unudur. Bir komandanın ardıcıl 3 dəfə Çempionlar Liqasını qazanması normal birşey deyil və bir daha belə bir şey heç vaxt olmayacaq bunu sizə deyirəm.
Qeyd edək ki, Çempionlar Liqasında iki görüşün nəticəsinə görə, “Ayaks” klubuna məğlub olan “Real” mübarizəni dayandırıb.
