Ermənistan-Azərbaycan, Dağlıq Qarabağ münaqişəsinin yenidən alovlanması, mülki şəxslərin qətlə yetirilməsi, yaralanması, eləcə də yaşayış məntəqələrinin dağıdılması yolverilməzdir.
Korner.az-ın AZƏRTAC-a istinadən məlumatına görə, bu fikri “Qəbələ” İdman Klubu prezidentinin müşaviri Toni Adams Ermənistan-Azərbaycan qoşunlarının təmas xəttində atəşkəs rejiminin düşmən tərəfindən pozulması ilə bağlı açıqlamasında bildirib.
Toni Adams ölkəmizdə yaşadığı müddətdə dəfələrlə azərbaycanlı məcburi köçkünlərlə görüşdüyünü, onların problemləri ilə yaxından tanış olduğunu qeyd edib. Məcburi köçkünlərin dərdinə şərik çıxdığını vurğulayan məşhur futbolçu onların tezliklə öz doğma yurd-yuvalarına qayıdacaqlarına əminliyini bildirib: “Qəbələ” İdman Klubunun üzvləri ümid edirlər ki, Dağlıq Qarabağda sülh bərqərar olacaq. Müharibədə mülki vətəndaşlar heç vaxt hədəf olmamalıdırlar, onlar sülh və təhlükəsizlik şəraitində yaşamağa layiqdirlər”.
