Tiaqo Silvanın Braziliya macərası başa çatdı
18.12.2025 , 14:15
Məşhur braziliyalı müdafiəçi Tiaqo Silva “Fluminense” ilə vidalaşıb.
Korner.az xəbər verir ki, klubun mətbuat xidməti 41 yaşlı futbolçunun komandadan ayrıldığını açıqlayıb.
Təcrübəli mərkəz müdafiəçisi artıq azad agent statusundadır və karyerasını istədiyi klubda davam etdirə bilər. Silva 2024-cü ilin ortalarında yenidən “Fluminense”yə qayıtmış və qısa müddətdə kapitanlıq sarğısını taxmışdı.
Braziliyalı futbolçu bu müddət ərzində bütün turnirlərdə 46 oyunda meydana çıxıb, 4 dəfə fərqlənib və 1 məhsuldar ötürmə ilə yadda qalıb.
