“Çelsi”nin kapitanı Con Terri komandadakı gələcək karyerası haqda danışıb.
Korner.az-ın məlumatına görə, ingilis futbolçu “Çelsi”də qalmaq üçün mübarizə apardığını bildirib:
“Mourinyo məndən daha gənc və mübarizəyə ac müdafiəçi tapmayacağı təqdirdə komandada qalacağımı söylədi. Mən də gələcəyim üçün mübarizə aparıram. Karyerama daha nə qədər davam edə biləcəyimi bilmirəm. Ancaq daha bir neçə il oynaya biləcəyimi düşünürəm. Onu deyim ki, başqa ingilis klubuna keçməyəcəm”.
Qeyd edək ki, 1998-ci ildən “Çelsi”nin şərəfini qoruyan Terri keçirdiyi 445 oyunda 37 qola imza atıb.
