Ter Ştegenin transferində ilkin anlaşma
19.01.2026 , 21:30
“Barselona” və “Jirona” klubları Mark Andre Ter Ştegenin icarə əsasında transferi ilə bağlı ilkin anlaşma əldə ediblər.
Korner.az xarici KİV-ə istinadən xəbər verir ki, alman qapıçının mövsümün sonuna qədər “Jirona”da çıxış etməsi nəzərdə tutulur.
Bildirilir ki, ötən həftə futbolçunun bu keçidə razılıq verməsindən sonra tərəflər danışıqları sürətləndiriblər. Hazırda icarə şərtləri üzrə əsas məqamlar razılaşdırılıb.
Qeyd edək ki, razılaşmanın rəsmiləşməsi üçün son detalların həlli gözlənilir. Yekun qərarın yaxın günlərdə açıqlanacağı ehtimal olunur.
