Ter Ştegen karyerasını İspaniyada davam etdirəcək
29.12.2025 , 10:30
“Barselona”nın əsas qapıçısı Mark-Andre ter Ştegenin gələcək karyerası ilə bağlı qərar verdiyi bildirilir.
Korner.az xarici KİV-ə istinadən xəbər verir ki, alman qolkiper “Jirona”ya transfer olunmağa yaxındır.
Xəbərdə qeyd olunur ki, 33 yaşlı qapıçı ilə yeni klub arasında yaxın günlərdə rəsmi müqavilənin imzalanması gözlənilir. Ter Ştegenlə İngiltərənin “Aston Villa” klubu da ciddi maraqlansa da, futbolçu seçimində İspaniya təmsilçisinə üstünlük verib.
Qeyd edək ki, təcrübəli qapıçının “Barselona” ilə mövcud sözləşməsi 2028-ci ilin yayına qədər qüvvədədir.
