“Sabahkı oyuna hazırıq. Bilirik ki, “Qəbələ” ciddi rəqibdir və hazırda yaxşı formadadır”.
Korner.az-ın məlumatına görə, bu sözləri “Lill”in kapitanı Rio Mavuba Avropa Liqasının üçüncü təsnifat mərhələsində “Qəbələ” ilə oyunöncəsi keçirilən mətbuat konfransında deyib.
32 yaşlı yarımmüdafiəçi sabahkı görüşdə qələbə qazanmağa çalışacaqlarını bildirib:
“Sabah qalib gəlmək istəyirik. “Qəbələ” gözəl oyunla artıq Avroliqada 2 mərhələ adlayıb. Bu komandanın ötən mövsüm “Krasnodar”a qarşı oyununu qeyd etmək istərdim. Hələ ki Teo Uiksi tanımırıq. Amma “Qəbələ”nin cinahlarında 2 güclü futbolçunun yer almasından məlumatlıyıq”.
