“Telstar” tarix yazdı: Niderland Kubokunda yarımfinala yüksəldi
07.02.2026 , 10:45
Niderland Kubokunda 1/4 final mərhələsinin növbəti qarşılaşması keçirilib.
Korner.az xəbər verir ki, “Telstar” öz meydanında “Qou Ehed İqls”i qəbul edib.
Matç böyük gərginlik şəraitində keçib və meydan sahiblərinin 2:1 hesablı qələbəsi ilə yekunlaşıb. Görüşdə vurulan bütün qollar fasilədən sonra, ikinci hissənin ilk 15 dəqiqəsində qeydə alınıb.
Bu qələbə sayəsində yüksək liqada qalmaq uğrunda mübarizə aparan Velzen klubu tarixində ikinci dəfə Niderland Kubokunun yarımfinalına yüksəlib. Komanda ilk dəfə bu mərhələyə 1992-ci ildə vəsiqə qazanmışdı.
