Tedesko iki oyunçunu heyətdən uzaqlaşdırdı
13.10.2025 , 11:00
“Fənərbaxça”nın baş məşqçisi Domeniko Tedesko komandanın iki futbolçusunu – İrfan Can Kahveci və Cenk Tosunu əsas heyətdən kənarlaşdırıb.
Korner.az xəbər verir ki, klubun mətbuat xidmətinin yaydığı açıqlamaya əsasən, hər iki oyunçu növbəti qərara qədər əsas komandanın məşqlərində iştirak etməyəcək.
Türkiyə mətbuatında yayılan xəbərlərə görə, italiyalı mütəxəssis onların komanda daxilində nizam-intizam və mühitə mənfi təsir göstərdiyini hesab edir.
Bu mövsüm İrfan Can Kahveci “Fənərbaxça”nın heyətində 12 rəsmi qarşılaşmada meydana çıxsa da, nə qol vurmağı bacarıb, nə də məhsuldar ötürmə ilə yadda qalıb.
Cenk Tosun isə 7 oyunda forma geyinərək 1 assistlə kifayətlənib.
