Qarşıda hələ 90 dəqiqə də var. Bu səbəbdən arxayın olmaq olmaz. “Kopenhagen”çətin komandadır. Tarix yazmaq üçün vacib addımı atdıq. Amma işimizi bitirməmişik”. Bu sözləri “Qarabağ”ın futbolçusu Riçard Almeyda deyib.
Ağdam klubu Çempionlar Liqasının pley-off mərhələsində Danimarkanın “Kopenhagen” klubuna 1:0 hesabı ilə qalib gəlib.
Oyundan sonra saytımıza açıqlama verən təcrübəli futbolçu fikirlərini bildirib: “Bizim rəqibdən aşkar üstün olduğumuzu demək çətindir. Hər iki komandanın fərqli oyun tərzi var. Bizim də oyun stilimiz belədir. Deməzdim ki, aşkar üstün komandayıq. Bu, Çempionlar Liqasıdır. Burada zəif yoxdu.
Almeyda ölkə çempionatında daha həvəssiz oynaması ilə bağlı verilən suala belə cavab verib: “Siz belə düşünürsünüz? Mənim oyunlarımı diqqətlə izləməyi tövsiyə edirəm”.
