28 AVQUST! Bu gün Azərbaycan futbolu üçün, önəmli, tarixi günlərdən biri idi. 2 ay sürən avrokubokların təsnifat mərhələsində artıq finişə yaxınlaşılırdı. Və “ölüm-dirim savaşı”na Azərbaycan iki klub çıxara bilmişdi. “Neftçi” və “Qarabağ”. Heç olmasa, bir klubu Avroliqanın qrup mərhələsində görüb, növbəti “zəfər gecəsi”ni yaşamağı, reallaşdırmağı çox istəyirdik. Və çətin də olsa, “köhlən atlar” bunu bacara bildi. Artıq komandamızın qrup mərhələsindəki rəqibləri də məlumdur. “İnter” (İtaliya), “Sent-Etyen”(Fransa), “Dnepr” (Ukrayna) Bəlkə də, çoxları artıq “buraya qədər gəlmişiksə, böyük şeydir” deyə düşünürlər, amma niyə də daha bir neçə ay “Avropa səyahətini” davam etdirməyək? Qrupun əsas favoriti hesab olunan, Azərbaycanda da xeyli azarkeşi olan “İnter”i ətraflı şəkildə araşdırıb, güclü və zəif tərəflərini ortaya çıxarmaq pis olmazdı.
“İnter” (Milan, İtaliya)
Tam adı: Football Club Internazionale Milano SpA
Ləqəbləri: Nerazzurri (Mavi,qaralar), Biscione (Natriks (İlanlar)
Yaranma tarixi: 1908
Stadion: Cüzeppe Mietsa ( 80.065 yerlik)
Prezident: Erik Tohir (İndoneziya)
Baş məşqçi: Valter Matsarri (İtaliya)
Son mövsüm: 2013\2014 Seriya A, 5c-i yer.
Uğurları: 18 dəfə İtaliya çempionu , 1 dəfə Çempionlar Liqasının qalibi (09\10), 5 dəfə İtaliya superkubokunun qalibi
İtaliyanın məşhur “İnter” klubu üçün xüsusi tanıtmaya ehtiyac yoxdur. “Çəkmə”nin və Avropanın ən məşhur klublarından biri olan “neraduzurra” da son illər ciddi mənada gerilmə var. Adı hər nə qədər bərkdən çıxsa da, bu klub yenilməz deyil. Borc batağına qərq olmuş komandanın səhmlərini Massimo Morattidən təhvil alan indoneziyalı biznesmen Erik Tohir yenidən klubu dirçəldəcəyinə ümid edir. Artıq italyanlar bir dəfə ölkəmizə səfər edib. Bu 2012\2013mövsümündə, yenə Avroliqanın qrup mərhələsi çərçivəsində baş tutub. “Neftçi” Bakıda “neraduzurra”ya 1-3 hesabı ilə məğlub olsa da, səfər də 1 xal qopartmağı bacarmışdı (2-2). Ciddi maliyyə böhranı ilə üzləşmiş “İnter” bu mövsüm üçün transfer məsələlərində boş durmayıb. Berni Tommaso (“Torino”), Nemanya Vidiç (“Mançester Yunayted”), Qarri Nedel (“Kardiff Siti”), Rene Krhin (“Bolonya”), Yann Mvilla (“Rubin” Kazan), Pablo Osvaldo (“Sauthempton”) kimi futbolçular “Qarabağ”a qarşı görüşlərdə forma şansı qazana bilər.
Ötən mövsüm İtaliya çempionatında 5-ci yeri tutan Milan təmsilçisi bununla da Avropa Liqasının pley-off mərhələsində iştirak etmək hüququ qazandı. Püşkün milanlıların üzünə böyük ölçüdə üzünə güldüyünü bildirsək, yanılmarıq. İslandiyanın “Styarnan” klubunu məğlub etmək üçün “neraduzurra” çox da əziyyət çəkməli olmadı. Səfərdə 0-3 hesabı ilə qazanan “İnter” “Cüzeppe Meatsa”da islandların “daşını-daş üstdə” qoymadı (6-0).
Məşhur transfermarkt.com.de portalının verdiyi məlumata əsasən klubun hazırkı heyətinin dəyəri 242 milyon avrodur. Klubun heyətindəki 28 futbolçudan 23-ü legionerdir. (82.1%) Yaş ortalaması 26.7-yə bərabərdir. Bu, rəqəm, Avropa səviyyəsində çox yüksək olsa da, İtaliyada son illər oyunçu yetişmədiyini nəzərə alsaq, o qədər də təəccüb doğurmamalıdır. Komandanın ən təhlükəli futbolçusu və vuran ayağı 32 yaşlı Rodriqo Palasiodur. Xatırladaq ki, bu, futbolçunun yüngül zədəsi var. Həmçinin, Mateo Kovaçiç və Mauro İkardi kimi gənc və perspektivli futbolçular üçün, bir çox məşhur Avropa klubları indidən sıraya giriblər.
İtaliya mətbuatında Valter Matsarrinin tez-tez istifadə etdiyi “3-lü müdafiə” sistemi haqda tənqidi yazılara rast gəlmək artıq adi hal alıb. Qeyd etmək lazımdır ki, bu sistemin effektli olması üçün heç olmasa, 2 səviyyəli cinah müdafiəçisinə ehtiyac var. Bu cür taktika ötən mövsüm “İnter”də özünü doğrultmasa da, Matsarri inadından əl çəkmir. Bu məqama Qurban Qurbanovun xüsusi diqqət yetirməsi lazımdır. Cinahlarda güclü və əzmkar oyun, sürətli reydlər hesabına “div”i məyus etmək olar.
“İnter”in “Styarnan”la son matçda istifadə etdiyi düzülüş.
“Köhlən atlar”ın “İnter”ə qarşı matçları bu tarixlərdə baş tutacaq.
2014-cü il, 2 oktyabr, “İnter”-“Qarabağ
2014-cü il, 11 dekabr, “Qarabağ”-İnter”
Ürfan Məmmədzadə.
