“İnter”in yeni transferi Tales Şütsun müsahibəsi.
– Necə oldu ki, “İnter”ə gəldin?
– Mən çox xoşbəxtəm ki, bu keçid baş tutdu. “İnter” kimi güclü komandaya qoşulmaq mənim üçün çox yaxşıdır. Ötən mövsüm AZAL-ın heyətində 10 qolun müəllifi oldum. Lakin karyeramın bu səhivəsi artıq bağlanıb. Yeni klubumda daha çox qollar vurub kareyeramın yeni səhivəsini açmaq istəyirəm.
– Yeni komandan, kollektiv və buradakı ab-hava haqqında nə deyə bilərsən?
– Burada hamı çox mehribandır. Buraya ilk dəfə ayaq basanda məni çox yaxşı qarşıladılar və artıq özümü bu ailənin bir üzvü kimi hiss edirəm. İnanıram ki, mən də öz oyunumla mənəolan inamı doğruldacağam.
– Hazırda Türkiyədə toplanış keçirsiniz. Toplanışın gedişi haqqında nə deyə bilərsən?
– Toplanış çox yaxşı keçir. Bu cür hazırlıqlar növbəti çətin sınaqlar öncəsi çox vacibdir və çox böyük əhəmiyyət kəsb edir. Komandanın daha da güclü çıxış etməsi üçün güclü məşq etməsi lazımdır. Zənnimcə, biz düz yoldayıq.
– Qarşıdan Avropa Liqasının oyunları gəlir. Sən bu barədə nə düşünürsən?
– Biz qələbə qazanmaq üçün mütləq özümüzü yaxşı tərəfdən göstərməliyik. Bu yarışda hər bir oyun böyük əhəmiyyət kəsb edir və çalışacağıq ki, hər qarşılaşmada qələbə əldə edək.
İnter Tv