Avropa Liqasının altıncı turunda keçirilən “Qarabağ” – “İnter” (İtaliya) oyunun 90+4-cü dəqiqəsində baş verən olayla bağlı Ağdam klubu UEFA-ya şikayət məktubu ünvanlayıb.
Korner.az-ın məlumatına görə, həftəsonu olduğu üçün qitə qurumundan hələ ki, heç bir cavab gəlməyib.
Buna baxmayaraq, qarşıdakı həftənin üçüncü günü “Qarabağ”ın vitse-prezidenti Tahir Gözəl İsveçrəyə gedəcək. Artıq Avropa Liqası yarışının direktoru Giorgi Marçetti ilə görüş vaxtı təyin edilib.
Tahir Gözəl klubun saytına açıqlamasında bunları deyib: “Nəticədən asılı olmayaraq futbolun ürəyi olan UEFA-ya gedəcəm. Orda qapalı və ya açıq görüşdə həmin epizoda onlarla birgə baxacam və “Qarabağ”a qarşı haqsızlıq edildiyini onların dilindən eşidəcəm”.
